Tre nga pjesëtarët e stafit të Khabib Nurmagomedov janë arrestuar nga policia e Las Vegas pas sherrit masiv që shpërtheu në fund të ndeshjes për titullin kampion të UFC 229.
Nurmagomedov mposhti me submission McGregor në raundin e katërt, përpara se të kalonte kafazin për t’u ndeshur me trajnerin e irlandezit Dillon Denis.
Ndërkohë, disa prej pjesëtarëve të stafit të Khabib janë futur në kafaz duke goditur nga mbrapa McGregor. Ai mori disa grushte përpara se të ndërhynte policia.
Pas ndeshjes, presidenti i UFC Dana White ka zbuluar se tre pjesëtarë të stafit të Nurmagomedov janë arrestuar.
“Tre veta janë arrestuar, besoj se janë rrugës për në burg tani. Shumë gjëra të këqija ndodhën pas ndeshjes, gjëra që nuk duhet të ndodhin.
“Nuk se çfarë të them tani, është për të ardhur keq.”
Disgusting. #UFC229 pic.twitter.com/bfRMnM6YwL
— Darragh Murphy (@DarrMurphy) October 7, 2018
