Sot, Kombëtarja shqiptare do të luajë kundër Jordanisë, ndeshje e vlefshme si miqësore. Kjo sfidë do të zhvillohet në orën 20:00, ndërsa tashmë bëhet me dije se trajneri Christian Panuçi ka shumë dilema për sa i përket titullarëve që do të zbresin në fushën e blertë.
Gazetari Sokol Xhihani raportoi se në stafin teknik po diskutohet të luhet me 3 mbrojtës. Nëse do të aplikohet një skemë e tillë, atëherë Egli Kaja do të jetë një nga tre futbollistët e prapavijës. Pritet me interes të mësohet 11-shja titullare që do të përdorë tekniku italian për këtë sfidë.
