Ditën e sotme në kampionatin belg ka filluar një operacion shumë i rëndësishëm për goditjen e një rrjeti i cili ka destabilizuar futbollin në vend.
Sipas prokurorisë së shteti belg shumë zyrtarë klubesh, gjyqtarë lojtarë apo edhe gazetarë janë të përfshirë në manipulime ndeshjesh dhe veprime të paligjshme në transferimin e lojtarëve. Në valën e madhe të arrestimeve që janë bërë sot, vlen për t’u theksuar se në pranga ka përfunduar dhe gjyqtari Bert Verntenten i cili akuzohet për trukime të ndeshjeve.
Arbitri që ka qenë pjesë e këtij skandali në vitin 2017 ishte në rolin e kryesorit në ndeshjen midis Dinamos së Kievit dhe Skënderbeut, ndërsa para pak javësh ai arbitroi dhe ndeshjen e Ligës së Kombeve midis Kosovës dhe Ishujve Faraoe.
Kujotojmë se në këtë operacion skuadra e Kristal Abazajt, Andërlehti dhe Ostendja e Sindrit Gurit akuzohen për manipulim ndeshjesh dhe transferimesh të lojtarëve.
