Në një intervistë të dhënë për “AS”, Nikola Kalinic, ani tek Atletico Madrid, është kthyer të flasë për episodin e shëmtuar që ka shkaktuar largimin e tij nga Kroacia gjatë Kupës së Botës. Lojtari ka refuzuar të futet në fushë në dy raste dhe trajneri Dalic e ka përjashtuar.
Ish-sulmuesi i Milan nuk e ka fshehur dëshirën për t’u kthyer në kombëtare, me kusht që të ndryshojnë disa gjëra. Situata mbetet e paqartë, por duket se lojtari është drejt kthimit te bardhekuqtë.
Kjo është konfirmuar edhe nga deklaratat e bëra nga kapiteni i Kroacisë, Luka Modric për “HNS”: “Më vjen mirë që e kam dëgjuar të thotë se ka dëshirë të kthehet në kombëtare. Do të ishte bukur sikur gjithçka të zgjidhej. Kushti kryesor ishte që të kërkonte falje, tani është e rëndësishme për skuadrën që të ketë përsëri në dispozicion cilësitë e tij”, ka thënë Modric.
