Ish qendërmbrojtësi I Partizanit Renato Malota është gati për të luajtur ndeshjen e parë zyrtare për këtë sezon me skuadrën e Vllaznisë. Malota është rikthyer në formën e tij optimale dhe trajneri Lika ka vendosur që ta aktivizojë si titullar që në ndeshjen e radhës ndaj Erzenit.
Pritet që trajneri Hasan Lika të aplikojë një skemë tjetër ndaj Erzenit, ku me gjasë do të jetë një ekip sulmues. Kujtojmë që Renato Malota pati probleme me drejtësinë shqiptare. Megjithatë për lezhianin gjithçka është hedhur pas dhe tashmë është gati për të dhënë kontributin e tij me fanelën shkodrane.
