Ka nisur java e tretë e Euroleague në basketboll për meshkuj, ku në krye të renditjes me 6 pikë të plota qëndron skuadra ruse e CSKA Moskë. Kjo e fundit fitoi 79-75 ndaj Stambollit në ndeshjen e luajtur në Moskë, një sfidë me rivalitet dhe emocione deri në fund. Turqit shpresuan në një surprizë në këtë ndeshje, me Eric që realizoi 15 pikë e McCallum 14, por që s’mjaftuan për t’ia dalë mbanë. Për CSKA-në u dallua Higgins me 14 pikë.
Fiton edhe Panathinaikos, që mundi me lehtësi 102-87, duke korrur suksesin e dytë sezonal në këtë event. Takimi u dominua nga grekët, që patën epërsi që në periodën e parë, sfidë ku u dalluan Lekavicius dhe Langford me nga 16 pikë secili. Suksesin e parë sezonal korri Barcelona, që mundi 83-73 Bayern Mynih, sfidë e dominuar nga spanjollët, me Tomic që realizoi 18 pikë, duke qenë lider në fushë për skuadrën “blaugrana”.
Fiton edhe Maccabi, që mundi 78-68 Buducnost, duke arritur fitoren e parë në këtë turne, ndërsa malazezët pësuan humbjen e tretë në po kaq takime të luajtura. Një ndeshje e mirë për Wilbekin, që realizoi 28 pikë për izraelitët.
Euroleague, java e 3-të
CSKA Moskë – Stamboll, 79-75
Buducnost – Maccabi Tel Aviv, 68-78
Panathinaikos – Gran Canaria, 102-87
Barcelona – Bayern Mynih, 83-73
19 tetor, Khimki Moskë – Anadolu Efes, ora 19:00
19 tetor, Zalgiris Kaunas – Fenerbahce, ora 19:45
19 tetor, Olympiacos – Armani Milano, ora 20:00
19 tetor, Real Madrid – Baskonia Gasteiz, ora 21:00
