Cristiano Ronaldo vijon të thyejë rekorde. Portugezi ka arritur të bëhet lojtari i parë që shënon 400 gola në karrierë në pesë ligat më të mira evropiane. Ky rekord u vendosë në ndeshjen e së shtunës, ku Juventus u përballë me Genoan.
Gjatë qëndrimit në Angli, fituesi i 5 herë të Topit të Artë shënoi plot 84 herë në 196 ndeshje të luajtura me Manchester United. Kulmi i tij është regjistruar me Real Madrid. 33-vjeçari ka shënuar 311 gola për “Los Blancos”, për t’u zhvendosur më pas tek Juventus. Me bardhezinjtë, portugezi ka gjetur rrjetën 4 herë, në 8 paraqitje të bëra me fanellën e “Zonjës së Vjetër”.
Duket se akuzat për përdhunim, që e kanë vendosur atë në qendër të vëmendjes javëve të fundit, nuk kanë ndikuar aspak në gjendjen psikologjike dhe formën fizike të lojtarit. Përkundrazi, ai vijon të thyejë rekorde.
400 – Cristiano #Ronaldo is the first ever player to score 400 goals in the top five European leagues. Monument. #JuveGenoa
— OptaPaolo (@OptaPaolo) October 20, 2018