Kafshimet e sulmuesit të Barcelonës Luis Suareaz nuk janë asgjë në krahasim me rastin e fundit. Në ligat inferiore të futbollit gjerman, sulmuesi i Essen SG 99/06 II Rommy Strinby në nerva e sipër gjatë një sherri kafshoi hundën e futbollistit kundërshtar të SV Preußen Eiberg.
Ngjarja ka shokuar mbarë opinionin vendas dhe botëror, pasi një shfaqje e tillë “kanibalizmi” nuk është parë kurrë ndonjëherë në futboll.
Siç raportojnë mediat gjermane, futbollistët filluan të kërkonin copën e shkëputur të hundës.
“Nuk e di nëse Strinby e hëngri atë”, tha përfaqësuesi i klubit Essenit. Ndaj autorit pritet të nisë një hetim i gjerë, ku nuk do të mungojë ndëshkimi.
