Mediat italiane dhe ato spanjolle po këmbëngulin se Antonio Conte do të jetë trajneri i ri i Realit të Madridit pasi Julen Lopetegui i ka të numëruara orët në krye të Los Blancos.
Megjithatë për të frenuar këto zëra që e japin të ardhmen e ish trajnerit të Chelsea-it në stolin e kampionëve në fuqi të Europës, ka menduar vëllai i Antonios, Daniele Conte i cili është njëkohësisht edhe agjenti i trajnerit.
Në një intervistë për “Cadena Ser”, Daniele Conte ka theksuar se aktualisht Antonio është me pushime dhe së fundmi nuk ka pasur asnjë kontakt me presidentin e Realit, Florentino Perez.
“Ai nuk ka marrë asnjë telefonatë nga drejtuesit e Realit, mund të them që bëhet fjalë për një klub të madh por nuk kemi patur kontakte”, ka shtuar vëllai i ish trajnerit të Italisë.
