Barcelona arriti të mundë Interin me një rezultat 2-0 në fazën e grupeve të Champions League. Spikati, ndër të tjera, paraqitja e mesfushorit brazilian Arthur, i transferuar këtë verë nga Gremio.
22-vjeçari tregoi saktësi në pasime, vizion dhe një nivel të lartë teknike. Shumë i qetë me topin në këmbë dhe shpeshherë dukej e pamundur për lojtarët e Interit që t’ia largonin sferën. Riktheu në memorie, në një farë mënyre, Andres Iniestan dhe Ksavin në ditët e tyre më të lavdishme te klubi katalanas. Ndoshta është ende herët për krahasime e analogji, por edhe në një moshë kaq të re, Arthur nuk e ndjeu aspak peshën e një stadiumi si “Camp Nou.