Pas fitores së madhe ndaj Manchester United në “Old Trafford”, Juventus është goditur nga lëndime serioze. Bëhet fjalë për sulmuesin kroat Mario Mandzukic dhe mesfushorin gjerman Sami Khedira.
Mandzukic vuan nga një lëndim i rëndë dhe i duhet t’i nënshtrohet urgjentisht ndërhyrjes kirurgjikale, ndërsa për Khedirën Allegri nuk e përjashtoi faktin se edhe mund të përfundojë në kirurgji.
“Ai është duke bërë testet e fundit mjekësore dhe duhet të presim. Mund edhe t’i nënshtrohet ndërhyrjes kirurgjikale. Shpresojmë që të kthehet sa më shpejt të jetë e mundur”, deklaroi tekniku bardhezi.