Gerard Pique ngriti përsëri dorën me gishta të hapur për të treguar rezultatin e ndeshjes së të dielës në “Camp Nou”, ku Barcelona mundi 5-1 Real Madrid. Mbrojtësi katalanas përsëriti kështu veprimin e kryer fillimisht tetë vjet më parë, kur Barcelona mundte 5-0 Realin e Jose Mourinhos. Foto e “manitas” është postuar edhe në llogarinë zyrtare të klubit në Twitter.
Mbrojtësi dukej që ishte i përgatitur për këtë ndeshje dhe mezi priti përfundimin për të përsëritur fesimtin e tij, ndërsa para golit të pestë të Vidal u pa disa herë duke dalë në sulm në përpjekje për ta realizuar vetë atë.
Por ideja e “manitas” nuk është origjinale e Pique. i pari që e ka bërë këtë veprim ka qenë Tony Bruins Slot, ndihmësi i Johan Cruyff, i cili ka ngritur dorën e hapur lart pas një fitoreje 5-0 të Barcelonës kundër Realit në “Camp Nou”, në sezonin 1993-1994.
