Rrjetet sociale janë treguar të pamëshirshme ndaj “Los Blancos”, pas disfatës së tyre të rëndë në “El Clasico”-n e së dielës. “Memes” e shumta, që janë publikuar, kanë një gjë të përbashkët, në përgjithësi, yllin portugez të Juventusit, Cristiano Ronaldo.
Largimi i tij nga kampionët europianë në fuqi duket se do të ketë pasoja në vazhdimësi te Real Madridi. Humbja turpëruese 5-1 në “Camp Nou”, ditën e djeshme, është prova e radhës për këtë, pa llogaritur fillimin zhgënjyes të sezonit aktual futbollistik.
