Vazhdojnë hetimet në Angli në lidhje me rrëzimin e helikopterit, ku humbi jetë presidenti i Leisterit, Vikai Srivadhanaprabha. 60-vjeçari ishte i martuar dhe me 4 fëmijë. Hetuesit po përpiqen të kuptojnë arsyet që sollën këtë aksident tragjik, duke i kushtuar vëmendje personave që humbën jetën.
Në listën e viktimave që humbën jetën nga aksidenti i ndodhur në Leister ka qenë edhe Nursara Sukmai, bukuroshja tajlandeze që zuri vendin e dytë në Miss Univers 2005.
Nursara ishte e famshme për videot e jogave dhe gjimnastikës. Në Instagram ajo ka të publikuar foto të shumta me lojtarët e Leisterit. Sipas mediave, bukuroshja do të shkonte në aeroportin e Lutonit, ku do të merrte avionin për në Tajlandë, por e shtuna ka rezultuar tragjike për të, që humbi jetën nga rrëzimi i helikopterit.
