Sipas asaj që bëjnë me dije mediat spanjolle, trajneri italian, Antonio Conte, nuk do të jetë trajneri i ri i Realit të Madridit.
Ish-tekniku i Chelseat nuk ka arritur një marrëveshje me skuadrën madrilene në pjesën e pagës. Por duket se në këto rrethana skuadra madrilene do të shkojë drejt një zgjidhjeje të përkohshme.
Që do të thotë se drejtimin e pankinës “Los Blancos” do ta marrë trajneri i Real Madrid Kastija, Santiago Solari.
Kjo pasi i preferuari i presidentit Florentino Perez është tekniku i Belgjikës, Roberto Martinez i cili ka bërë një punë të mirë me Kombëtaren belge.
