Një ndeshje spektakolare në Stamford Bridge mes Chelsea-t dhe Derby-t që trajnohet nga legjenda e Bluve Frank Lampard. Në fund ishte ekipi i Sarri-t që fitoi me rezultatin 3-2, me të pesë golat që u shënuan në pjesën e parë. Ishte një pjesë e parë e çmendur në Londër. Dy autogolat e miqve dhe goli i Fabgreas pak para pushimit i dhanë avantazhin Chelsea-t, ndërsa për miqtë kishin shënuar Marriott dhe Waghorn. Në pjesën e dytë ndeshja mbeti me emocione por rezultati nuk ndryshoi dhe Chelsea avancoi në raundin e pestë të Carabao Cup.
