E ardhmja e sulmuesit të Nantes, Emiliano Sala mund të jetë në Seria A.
Sipas “Corriere dello Sport” Lacio ka shfaqur interes për 27 vjeçarin dhe mendohet që në drejtim të “kanarinave” të jetë akorduar një ofertë prej 12 milionë eurosh për të lënë të lirë sulmuesin.
Një operacion që pritet të mos sjellë probleme për drejtorin sportiv të bardhekaltërve Igli Tare që kërkon një zëvendësues për sulmuesin anësor, Luis Nani që duket se i ka ditët e numëruara në kryeqytetin italian.
Këtë sezon, 27-vjeçari ka shënuar 14 gola dhe dhënë tre asistime në 31 ndeshje për Nantes-in në të gjitha kompeticionet.
