Milan, gëzim dhe dhimbje. Pas fitores kundër Genoas dhe parakalimit të Lazios duke marrë vendin e katërt, Gattusos i duhet që të bëjë llogaritë me një tjetër të dëmtuar. Biglia u dëmtua gjatë sfidës dhe tregon se ka një problem muskulor në pulpën e këmbës së djathtë, teksa vetë trajneri i kuqezinjve ka pranuar se do t’i duhet një kohë e gjatë lojtarit që të rikthehet. Të paktën një muaj mungesë, gjithnjë pa zhvilluar analizat e duhura. Por, pas diagnostikimit, do të përcaktohet koha e saktë që nuk do të jetë nën urdhrat e trajnerit.
Një tjetër hallkë për Milanin, i cili sapo kishte nisur që të bënte llogaritë pas dëmtimit të rëndë të Caldaras, i cili ka një dëmtim në tendinin e Akilit, nga ku rrezikon të qëndrojë jashtë deri në fund të sezonit. Mungesa e argjentinasit në mesfushë dhe mungesa e një zëvendësuesi ideal i kanë kushtuar Gattusos që të ndryshojë skemën, nga 4-4-2 në 3-5-2 duke vënë në lojë Bakayokon.
