Pas shkarkimit të Julen Lopetegui, Real Madrid ende janë në kërkim të një trajneri që do të marrë frenat e skuadrës për të dalë nga kriza e thellë e këtij fillim sezoni. Pas refuzimit të Antonio Contes, Florentino Perez ka zgjedhur përkohësisht Santiago Solarin në krye të skuadrës.
Antonio Conte tashmë është një nga emrat më të përfolur për të marrë drejtimin e Manchester United.
Tekniku italian pret vetëm shkarkimin e Jose Mourinhos për të nisur punën në “Old Trafford”, shkruan tabloidi britanik “The SUN”. Antonio Conte ka qenë dy sezone trajner i Chelsea në Premierligë, me të cilën skuadër ka fituar edhe një titull.
