Milani vazhdon të jetë i zhytur në një valë lajmesh të këqija që nuk po e lënë skuadrën që të ngrejë kokë. Pas disa dëmtimeve të njëpasnjëshme të disa prej lojtarëve kryesorë të skuadrës, tashmë radha i ka ardhur dhe titullarit të mbrojtjes, Mateo Musakio.
Lojtari u dëmtua ditën e djeshme në ndeshjen përballë Betisit pas një përplasje me shokun e tij të skuadrës Kesi. Dëmtimi u duk që ishte i rëndë pas Musakio u largua nga fusha me ndihmën e barelave. Tashmë lojtari do të duhet që të qëndrojë për dy muaj larg për tu rikuperuar nga ai dëmtim i marrë në gju.
