Xherdan Shaqiri ka folur për herë të parë për lënien në shtëpi nga trajneri Jurgen Klopp për ndeshjen e Ligës së Kampionëve mes Crvena Zvezdës dhe Liverpool.
Jurgen Klopp kishte befasuar të gjithë me vendimin për të lënë në shtëpi Shaqirin, i cili është lojtari i momentit te Liverpool, gjë të cilën e dëshmoi edhe në ndeshjen e fundit në “Anfield” kundër Fulhamit.
Prejardhja e tij shqiptare dhe fyerjet që do i drejtoheshin atij nga tifozët serbë, kanë shtyrë Kloppin që të heq dorë nga Shaqiri për atë ndeshje. Këtë vendim e ka pranuar edhe Shaqiri, që ka folur për herë të parë rreth kësaj çështjeje.
“Atje ishte një atmosferë e nxehtë dhe ka qenë më mirë të qëndroj në shtëpi dhe të përqendrohem vetëm te futbolli”, ka deklaruar Shaqiri. “Isha i gatshëm, qëndrova këtu dhe u stërvita me disa lojtarë të tjerë, por kjo nuk ndryshon shumë. Doja të jepja një përformancë të mirë, por ishte një gjë e mirë”.
