Bota e tenisit ka një yll të ri. Pasi surprizoi Roger Federer në gjysmëfinalen e ATP, gjermani Alesander Zverev ka mposhtur numrin 1 të botës, Novak Djokovic në finalen e madhe, duke bërë të vetin trofeun e ATP-së.
21-vjeçari triumfoi në dy sete, 6-4, 6-3 në finale, duke u bë i pari gjerman që nga Boris Becker që fiton një turne kaq të rëndësishëm.
Përpara kësaj përballjeje, Zverev mbante vendin e tretë në renditjen e përgjithshme, por ky triumf pritet ta ngjisë atë në shkallë më të larta të klasifikimit.
