Real Madridi është në kërkim të një sulmuesi që shënon në çdo ndeshje, pasi largimi i Kristiano Ronaldos po ndihet të “Los Blancos”. Por të gjithë sulmuesit që madrilenët kërkojnë, kushtojnë mbi 100 milionë euro.
Edhe pse kjo shumë nuk është problem për kampionët e Europës, Perez po planifikon një lojtar më të lirë në muajin janar, në mënyrë që t’i shërbejë skuadrës deri në fund të sezonit dhe në merkaton e verës, Reali do të investojë shuma faraonike.
Për në muajin janar, Reali i Madridit synon të marrë veteranin e Monakos, Radamel Falkao. Ylli kolumbian është në vitet e fundit të karrierës së tij dhe kërkon ta mbyllë me klubin e Principatës, por forma katastrofave e bardhekuqve mund ta shtyjë kolumbianin drejt Madridit.
