Real Madrid është në kërkim të një mesfushori. Sipas asaj që raporton “El Desmarque” bëhet fjale për kroatin Marcelo Brozovic. Largimi i Mateo Kovacic për te Chelsea, por edhe rendimenti i dobët i Luka Modric, ka ndjerë mungesën e një force të re në mesfushë.
Kroati i Interit ka një klauzolë 60 milionë euro për klubet jashtë Italisë dhe për Realin kaq para nuk janë shumë. Gjithashtu bëhet me dije se drejtuesit e Realit kanë kontaktuar menaxherin e Brozovic, për të mësuar dëshirën dhe situatën e lojtarit.
Ndërkohë Brozovic iu bashkua Interit në vitin 2015 i blerë nga Dinamo Zagreb. Me zikaltrit ai është aktivizuar 110 ndeshje, teksa ka gjetur rrugën e rrjetës 15 herë.
