Fernando Torres do të mbahet mend si sulmuesi i cili shënon gola në momente deçizive. Kështu ka ndodhur në kampionatin spanjoll, në kampionatin anglez dhe së fundmi në atë japonez. 34-vjeçari është shndërruar në “heroin” e Sagan Tosu, duke e shpëtuar atë nga rënia nga kategoria me një gol në minutën e 78-të kundër Yokohama F Marinos. Ndeshja u mbyll me rezultatin 2-1.
Torres erdhi në Sagan Tosu për ta shpëtuar atë dhe ia doli mbanë. Goli ishte shumë i rëndësishëm, edhe pse tashmë fati i skuadrës, varet nga palët e treta.