Sulmuesi egjiptian i Liverpoolit, Mohamed Salah, arriti ta ndihmojë skuadrën e tij me një gol në fitoren me rezultat 3-0 kundër Watfordit, dhe tifozët besojnë se ai e talli Sergio Ramosin përmes mënyrën së festimit të golit.
“Mbreti egjiptian” e shënoi golin e tij të gjashtë të këtij sezoni në minutën e 67-të dhe e festoi këtë gol duke e bërë shqiponjën dykrerëshe me duar, ngjashëm me bashkëlojtarin e tij, Xherdan Shaqirin, transmeton Gazeta Express.
Shaqiri e kishte festuar ngjashëm golin që e kishte shënuar në ndeshjen e Kombëtares së Zvicrës kundër Serbisë në turneun e Kupës së Botës në Rusi.
Por, stili në të cilin Salah e festoi golin ishte i ngjashëm edhe me atë të Ramosin, dhe shumë tifozë të klubit anglez besojnë se ai ishte duke u tallur me spanjollin, pasi pretendimeve të Football Leaks se ai kishte dështuar në testin për doping para finales së Ligës së Kampionëve të vitit 2017.
Salahu dhe Ramosi nuk kanë marrëdhënie të mrekullueshme mes vete, për shkak të ndërhyrjes që i kishte bërë spanjolli egjiptianin në finalen e Ligës së Kampionëve të sezonit të kaluar, ku lëndimi që kishte marrë për shkak të asaj ndërhyrje e kishte detyruar Salahun ta lë ndeshjen në gjysmë.
Salah’s celebration mocking Ramos? 🤣 pic.twitter.com/hBOivFIJVp
— LFC Globe (@LFCGlobeUK) November 24, 2018
Now can we talk about Salah's celebration!! @MoSalah 🤔🤟🏻🤟🏻😍😂😂 pic.twitter.com/lxZ4QwHTvb
— tota 🐣 (@totamo11) November 24, 2018
