Një vit e gjysmë pasi Francesco Totti u pensionua nga karriera e tij si futbollist profesionist, Roma do ta nderojë atë sonte, para ndeshjes kundër Real Madridit, që do të zhvillohet sonte në orën 21:00, në “Stadio Olimpico”. Ndeshja kundër Real Madridit do të fillojnë në orën 21:00, pasi t’i jetë dhuruar Tottit një fanellë e veçantë për ta nderuar karrierën e mrekullueshme të italianit me klubin e tij të fëmijërisë.
Në moshën 40-vjeçare dhe 25 sezone pas debutimit të tij, Totti vendosi të pensionohej në klubin e tij të fëmijërisë para dy sezoneve, pasi kishte luajtur 785 ndeshje për Romën, në të cilat i kishte shënuar 307 gola.
Ai largua nga klubi si një legjendë, i njohur për talentin dhe besnikërinë e tij. Askush nuk arriti ta largonte Tottin nga klubi i tij i fëmijërisë, madje as presidenti i Real Madridit, Florentino Perez.
“Ai [Perez] më ka thënë se unë isha i vetmi lojtar që e kisha refuzuar atë”, kishte thënë Totti para ndeshjes së parë mes dy klubeve, kur verdhekuqët kishin udhëtuar për në kryeqytetin spanjoll.
Më 28 maj të vitit 2017, ‘Stadio Olimpico’ u vërshua nga tifozë të cilët kishin ardhur në stadium për t’ia dhënë lamtumirën legjendës së klubit të tyre. Ky nderim për Tottin do të përsëritet edhe një herë sonte.
Tifozët e Romës kanë marrë ftesë që të arrijnë më herët në stadium, në mënyrën që të marrin pjesë në këtë ngjarje.
