Ditën e sotme në Dublin të Irlandës është hedhur shorti i kampionatit europian “Euro 2020” dhe skuadra e Kosovës ka rënë në një grup të vështirë. Skuadra e drejtuar nga Bernard Shaland renditet në të njëjtin grup ku janë edhe Anglia, Republika Çeke, Mali i Zi dhe Bullgaria.
Ndërsa ky short për Kosovën nuk ka mbetur pa u komentuar edhe nga mediat serbe të cilat në fakt e mohojnë Kosovën duke përdorur frazën “të ashtuquajturën Kosovë”.
“Serbia ishte me fat në short, Mali i Zi luan me të ashtu-quajturën Kosovë! Natyrisht që ndeshja më interesant është se Mali i Zi luan ndaj Kosovës, ku janë edhe Angli dhe Çekia” – shkruan “Telegraf.rs”.
Nga ana tjetër edhe “Blic.rs” ndjek të njëjtën shprehje teksa shkruan: “Serbia është renditur në vazon e tretë, kështu që nuk ka mundur të luajë me të ashtu-quajturën Kosovë”.
