Finalja e shtyrë mes River Plate dhe Boca Juniors, do të luhet këtë të dielë, në Madrid, në stadiumin “Santiago Bernabeu”. Pritet të jetë një duel i fortë, që do të përcaktojë fituesin e trofeut, teksa përballja e parë në “Bombonera” përfundoi në barazim 2-2.
Pas trazirave të mëdha që u bënë, para se të fillonte finalja e dytë, kjo sfidë u shty dhe tanimë frika i shkon Madridit, që duket se është “blinuar” me masa të rrepta sigurie. River Plate dhe Boca Juniors zbarkuan në Madrid të mërkurën, ndersa tifozët nuk kanë vonuar aspak.
Deri të dielën, kryeqyteti i Spanjës, do të jetë në alarm nga forcat e rendit, për të shmangur përplasjet e mundshme mes tifozërive, që të mos përsëritet ajo që ndodhi në Buenos Aires.
