Juan Cuadrado pritet të mungojë në derbin kundër Torino-s, që Juvenus do të luajë këtë fundjavë në kampionatin italian, por edhe Joao Cancelo është në dyshim. Lajmi i mirë për Allegri-n është kthimi i Medhi Benatia-s.
Cuadrado është dëmtuar në ndeshjen e Champions League të humbur 2-1 nga bardhezinjtë në fushën e Young Boys të mërkurën në mbrëmje.
Cancelo, nga ana tjetër, nuk ka qenë i grumbulluar për ndeshjen me zviceranët dhe mbetet në dyshim për derbin. Benatia nuk ka luajtur në Champions për shkak dëmtimit, por është kthyer në stërvitje të enjten.
