Ndeshja Liverpool-Manchester United po afron, çka e ka rritur atmosferën futbollistike në Angli, gjatë gjithë javës. Në emisionin “Night Football” të “Sky Sport”, Jamie Carragher dhe Gary Neville u desh të binin dakord në një pikë, mbi atë që do të ishte 11-shja ideale me lojtarët e të dyja ekipeve.
Polemika ndodhi kur më i madhi i vëllezërve Neville tha se Pogba është një mesfushor me potencial. Carragher ndërhyri dhe nuk u pajtua me idenë e Gary Neville: “Përmbahu pak. Pogba është lojtari më i padisiplinuar i të gjitha kohërave”.
Në fund, ish-lojtari i Manchester United zgjodhi 11-shen e tij, e cila përbëhej nga: De Gea – Alexander-Arnold, Van Dijk, Bailly, Robertson – Wijnaldum, Pogba, Keita – Shelahu, Firmino dhe Martial.
Carragher, ndërkohë, zgjodhi formacionin e vet, me lojtarë nga të dyja skuadrat: De Gea – Alexander-Arnold, Lovren, Van Dijk, Robertson – Keita, Matic, Milner – Salah, Firmino dhe Mane.
Në fund iu kërkua të përbashkojnë zgjedhjet në një formacion, i cili përbëhet nga shtatë lojtarë të Liverpool dhe katër të Manchester United, duke përfshirë edhe Pogba: De Gea – Alexander-Arnold, Bailly, Van Dijk, Robertson – Keita, Matic, Pogba – Salah, Firmino dhe Mané.
