Kastrioti nuk po arrin të ngre krye, teksa pas 17 javësh qëndron në vendin e fundit me 10 pikë. Këtë fundjavë, krutanët u mposhtën me “poker” golash nga Teuta e cila u ngjit në vendin e dytë. Pas disfatës, trajneri i tyre, Stavri Nica ndjeu keqardhje për gjendjen e skuadrës, ndërsa pranoi se lojtarët po bëjnë komplot për ta larguar.
“Problemet sa vijnë dhe shtohen. Mendoj që djemtë e rinj punojnë, sakrifikojnë dhe drejtohen. Lojtarët bëjnë veprime të kundërtat e asaj që kërkoj unë. Kjo ka 2 rrugë. O do afrohen lojtarë në të gjithë reparte, ose do largohem unë. Të shikojmë si do të më përgjigjet presidentin. Në rast të kundërt do iki unë. Lojtarët veprojnë qëllimisht për të ulur skuadrën dhe për të larguar trajnerin. Kjo është e deklaruar. Zgjidhja është kjo që iu thashë. Nuk ka zgjidhje tjetër.”-tha Nica.
