Zlatan Ibrahimovic ka konfirmuar përfundimisht se do të vazhdojë të jetë pjesë e klubit nga MLS, La Galaxy, duke u dhënë fund spekulimeve se mund të rikthehet në Europë.
Për sulmuesin suedez flitej shumë se do të kthehej te Milani, pasi kishte zhvilluar bisedime, por drejtori teknik i kuqezinjve konfirmoi në fillim të këtij muaji se transferimi i Ibrës nuk do të ndodhte.
Suedezi konfirmoi përmes një mesazhi në llogarinë e tij në Twitter, se do të qëndrojë në SHBA.
“MLS ende nuk kam mbaruar punë me ju…” shkroi Ibrahimovic në një postim që duket se ai do të vazhdojë aventurën e tij në Amerikë.
