Për shkak se Franca ka fituar Kupën e Botës në 2018-ën, lufta brenda ekipit për të gjetur se kush është futbollisti francez më i mirë i 2018-ës dihej që do të ishte e ndezur.
Kylian Mbappe, Raphael Varane dhe Antoine Griezmann kanë qenë të gjithë thelbësorë në triumfin e “Les Bleus” në Rusi, por vetëm njëri mund të kishte nderin të shpallej më i miri i vendit të tij.
Në fund, revista prestigjioze “France Football” ka zgjedhur Kylian Mbappe si futbollistin francez të vitit. 20-vjeçari ka dalë i katërti në votimet për Topin e Artë, por ka fituar Kopa Award si lojtari i ri më i mirë në botë.
