Sulmuesi i Milan Fabio Borini raportohet të jetë shumë pranë klubit kinez Shenzhen FC.
Agjenti i Borini-t është nisur për në Hong Kong, ku do të takohet me drejtuesit e Shenzhen për të nisur bisedimet.
Sajti shpjegon se ish-ekipi i Clarence Seedorf e ka seriozisht për blerjen e italianit, i cili gjithashtu do të ishte shumë i kënaqur të udhëtonte në Kinë.
27-vjeçari ishte një nga 11 lojtarët që mbërriti te Milan në verën e vitit 2017, por ka shënuar vetëm gjashtë gola për Kuqezinjtë.
Megjithëse u transferua si një sulmues, ai është përdorur në pozicione të ndryshme, përfshi edhe mbrojtësin e djathtë.
