Kryendeshja e javës në Premier League, mes Mançester Sitit dhe Liverpulit, e mbyllur me fitoren e vendasve në shifrat 2-1, pati edhe një rast në kufijtë e të pabesueshmes, në minutën e 19-të, kur shifrat ishin ende të bardha.
Pas një topi të goditur nga Sadio Mane, shtylla shpëton “qytetarët”, dhe sfera mbetet në zonë. Në përpjekje për ta larguar, mbrojtësi Stouns godet, por e përplas tek portieri Ederson.
Topi kërcen drejt portës, por sërish Stouns rikthehet dhe e largon. Me një sy të lirë, duket sikur topi e kalon vijën fatale, por është teknologjia e vijës së portës, e cila nga përsëritjet, tregon se sfera nuk e ka kaluar e gjitha vijën, në mënyrë që të quhet gol.
Nga përllogaritjet pas ndeshjes, u vu re se vetëm 11 milimetra, shpëtuan Sitin nga pësimi i këtij autogoli.
{“videoid”:”1546546955804″,”type”:1,”ratio”:0.75}