Sergej Milinkovic-Savic mbetet ëndrra e Milanit, por në janar është e pamundur të realizohet, por shumë arsye.
Me shumë gjasa ka që transferimi i bujshëm të ndodhë në verë, sidomos nëse Milani do të shkojë në Champions League.
DERBI – Sipas së përditshmes torineze Tuttosport, në horizont është një derbi i zjarrtë me Interin. Mesfushori serb u pëlqen edhe zikaltërve dhe grupi Suning është më i lirë të veprojë në treg, duke pasur parasysh problemet që Milani ka me Fair Play financiar të UEFA-s.
Shpresa e dy skuadrave milaneze është që Juve te mos i fute hundët, sepse ka shumë mesfushorë, ndërsa Reali dhe klubet angleze duket se janë trembur nga sezoni jo i mirë i serbit.
VLERËSIMI – Verën e shkuar Claudio Lotito refuzoi një ofertë mbi 100 milionë euro, duke e tepruar, sepse deklaronte se Milinkovic-Savic vlen 150 milionë.
Tani vlera e mesfushorit ka rënë, me 100 milionë mund të mbyllet gjithçka, por vetëm në verë, pasi Lazio kërkon të vijojë garën për vendin e katërt pa u dobësuar në janar.
