Luftëtari ka vijuar përgatitjet për gjysmën e sezonit të mbetur. Nën urdhërat e Mezanit kanë qenë 22 lojtarë. Seanca stërvitore është shoqëruar edhe nga rreshjet e borës që kanë “pushtuar“ qytetin e Gjirokastrës. Mirëpo kjo nuk ka qenë problem për ekipin, i cili ka zhvilluar stërvitjen normalisht.
Të pranishëm në seancën e djeshme mes 22 lojtarëve ishte edhe portieri Olti Qyrani, produkt i shkollës gjirokastrite. Të gjithë të tjerët, të gatshëm nën urdhrat e Mezanit për një orë e gjysmë vijuan përgatitjet me program të detajuar.
Sebastian Molla, i riu i ardhur një sezon më parë te Luftëtari, ka “braktisur” gjirokastritët, pasi do të kryejë shërbimin ushtarak në Greqi. Dje mungonte edhe braziliani Xhekson, i cili do t’i bashkohet ekipit më 7 janar.
