“Duhet të kuptojë se luan te Chelsea dhe jo te Brighton!”. Me këto fjalë, legjenda italiane, Gianfranco Zola, disa ditë më parë, do t’i tërhiqte veshin Alvaro Moratas, që është sozia më e shëmtuar e atij futbollisti që shpërthehu te Reali dhe shënonte te Juventusi.
Sulmuesi spanjoll jo vetëm që nuk shënon, por gabon edhe raste nga më të çuditshmet. Një tifoz i Chelseat, sakaq, ka filmuar me telefonin e tij një rast të shpërdoruar në mënyrë flagrante. Edhe pse shënoi dy gola ndaj Nottingham Forest në FA Cup, sërish paraqitjet e tij kanë lënë për të dëshiruar. Për më shumë, shihni rastin e humbur ndaj Nottingham.
