Arjen Roben është emri i lakuar në radhët e Interit, si një përforcim i mundshëm. Duket se zërat për një ofertë ndaj holandezit janë konkretë, dhe ditën e sotme, në një fjalë për mediat, vetë 34-vjeçari e pranon se disa klube po e ndjekin, dhe se ndihet krenar për këtë fakt.
“Javët e fundit kanë qenë plot angazhime për babain tim, njëkohësisht edhe agjenti im, por më vjen mirë kur di që klube të tilla si Interi, kanë interes për performancën time. E ardhmja është ende e pavendosur, do presim.
Përkundrazi, unë dua të pres dhe të përqendrohem të rikthehem në formë me Bajernin. Nuk e di kur, por duhet të marr një vendim. Nuk do pres deri në fund të sezonit. Kam një familje dhe kam një plan për karrierën time. E përsëris, jam i privilegjuar dhe i falenderoj klubet që po më ndjekin.” – deklaroi Roben.