Gjatë ditës së djeshme lojtarët e Vllaznisë kanë përjetuar preobleme shëndetësore gjatë grumbullimit në Limasol për tu përballur me AEL-in në ndeshjen e parë të turit të dytë të Ligës së Konferencës.
Mjeku i Vllaznisë, Ilirjan Haxhaja me anë të një postimi në profilin e tij në rrjetin social “Facebook” ka publikuar videon sesi lojtarët po merrnin serum nga problemi shëndetësor që ende nuk dihet nëse ka qenë helmim nga ushqimi apo virozë e kohës. Lojtarët që kishin probleme shëndetësore ishin Ardit Hoxhaj, Fjoart Jonuzi dhe Liridon Latifi, ky i fundit pati dhe disa minuta në takimin ndaj qipriotëve.
Skuadra shkodrane e humbi takimin e saj të parë ndaj AEL-it në Qipro me rezultatin minimal 1-0.
