Ditën e hënë (nesër) në orën 13:00 në ambientet e Muzeut Historik Kombëtar, Federata Shqiptare e Futbollit do të organizojë ceremoninë e promovimit të albumit “EURO 2016”.
Njëkohësisht do të bëhet dhe hapja e ekspozitës me momentet më pikante dhe më deçizive të Europianit të Francës, ku Shqipëria u përfaqësua për herë të parë në historinë e saj në verën e vitit 2016.
Prezent në këtë ceremoni do të jetë edhe Presidenti aktual i FSHF-së, Armand Duka, ish-lojtarë të ekipit kombëtar dhe personalitete të futbollit shqiptar ndër vite.
Ekspozita do të jetë e hapur disa ditë për të gjithë dashamirësit duke sjellë edhe një herë në vëmendje të gjitha momentet e një triumfi historik me ekipin kombëtar shqiptar.
