Ai mund të jetë një ikonë mode dhe një yll futbolli, por ai nuk është vetëm kaq. Cristiano Ronaldo dëshiron që të jetë gjithmonë numri një, dhe këtë e ka treguar edhe në daljen e tij të fundit publike.
Në një video të filmuar nga bashkëshortja e tij, Georgina Rodriguez, dhe të postuar në “Instagram” nga Ronaldo, luzitani shihet teksa stërvitet në palestër. Gjatë kësaj kohe, Ronaldo shfrytëzon edhe momente relaksi, ku nis edhe të kërcejë.
Por vetëm pas disa sekondash, teksa po filmohej duke kërcyer për të dashurën e tij, Ronaldo pengohet dhe për pak rrëzohet. Megjithatë, asgjë për tu shqetësuar, me Ronaldon që duket se e ka gjetur mënyrën për të fituar të ardhura pas largimit nga fusha e blertë.
