Pasi mbërriti ditën e sotme në Milano, Krzysztof Piątek ka hedhur edhe firmën në kontratë, si lojtari më i ri i milanit. Sulmuesi polak, pasi u ble nga Xhenoa për 35 mln euro, nënshkroi të vishet si “djall” deri në vitin 2023.
Gjithsesi, siç bëhet me dije, ai nuk ka zgjedhur të mbajë në fanellë numrin e lënë bosh nga Gonzalo Higuain, pra numrin 9-të, por mbi shpinë ai do të mbajë numrin 19-të. Në fakt, që nga kjo verë, ky numër ishte lënë bosh nga Leonardo Bonuçi, që pasi erdhi nga Juventusi, qëndroi vetëm 1 sezon te Milani, dhe shkoi përsëri tek “Zonja e Vjetër”.
