E ardhmja e Luciano Spallettit në krye të Interit mund të mbyllet në fund të këtij sezoni. Vit i ri, avaz i vjetër. Inter e nis mirë në gjithçka, por sapo vjen dhjetori vijon rënia e lirë.
Për këtë Beppe Marotta mendon se duhet një trajner më i madh se Spalletti. Antonio Conte është emri i duhur për të marrë drejtimin e zikaltërve, lëvizje që po e projekton pikërisht Marotta, duke qenë se ka njohje të vjetër me trajnerin, që në kohën kur punonin bashkë te Juventus.
Mësohet se kontaktet e para janë kryer midis tij dhe Contes dhe janë duke negociuar për ta vënë në krye të zikaltërve në sezonin e ardhshëm. Në një mendje me drejtorit e deleguar është edhe presidenti Zhang, ku të dy së bashku kanë përgatitur një ofertë për italianin.
Që nga qershori Conte do jetë i lirë të firmosë me cilindo ekip apo kombëtare, pasi i mbaron kontrata që e mban të lidhur me Chelsean.
