Mbrojtësi i Cardiff City Sol Bamba ka zbuluar se disa prej shokëve të ekipit kanë frikë të fluturojnë pasi blerja e re Emiliano Sala është zhdukur.
Trupi i blerjes rekord të Cardiff akoma nuk është gjetur megjithëse kërkimet vazhdojnë që prej 21 janarit.
Duke reflektuar mbi situatën tragjike të klubit, Bamba është shprehur: “Është shumë e vështirë të përshkruash se si ndihen lojtarët.
“Është një situatë e pazakontë, një tragjedi e madhe. Të gjithë jemi prekur nga jo situatë, shokët e ekipit, qyteti, i gjithë klubi.
“Kemi marrë ndihmë. Ne zakonisht udhëtojmë me avion, por disa lojtarë kanë frikë të hipin.
“Trajneri na ka ofruar ndihmën e psikologut nëse do të kemi nevojë dhe besoj se disa prej djemve kanë nevojë.”