Janë bërë më shumë se shtatë ditë nga kërkimet për futbollistin Emiliano Sala i cili vijon të mbetet i zhdukur.
Sot hetimet kanë avancuar duke zbuluar të tjera detaje. Hetuesit e rrëzimit kanë gjetur dy ulëse avioni të cilat ata besojnë se janë nga aksidenti ajror.
Dy jastekët e sediljeve u gjetën në të njëjtën zonë të vijës bregdetare, pranë qytetit të Normandisë, Surtainville, rreth 30 milje nga vendndodhja e fundit e avionit.
Familja e sulmuesit argjentinas është aktualisht në Europë pasi ka mbledhur fonde për të nisur kërkimin e tyre privat për rrënojat e avionit.
Të hënën, nëna e futbollistit Mercedes dhe motra Romina fluturoi mbi zonën e aksidentit të Sala.
Dega e Hetimeve të Aksidenteve Ajrore (AAIB) tha sot: ‘Në mëngjesin e së hënës 28 janar, ne u këshilluam nga autoriteti francez i hetimit të sigurisë se një pjesë e një jastëku të sediljes ishte gjetur në një plazh pranë Surtainville në gadishullin Cotentin.
‘Një jastëk i dytë u gjet në të njëjtën zonë më vonë po atë ditë. Nga një ekzaminim paraprak kemi konstatuar se ka të ngjarë që mbështetësit të jenë nga avioni i humbur.
Është krijuar një ‘zonë kërkimi me prioritet’ prej rreth katër milje detare katrore dhe një anije specialist është autorizuar për të kryer një studim të shtratit të detit.
Deklarata e AAIB: “Ne aktualisht presim që kërkimi ynë nënujor ne det të fillojë në fund të kësaj fundjavë dhe të zgjasë deri në tri ditë. Do të përdoren pajisjet e skanimit me anë të skajit për të gjetur rrënojat në shtratin e detit.
Përktheu AlpeSport.al
