Dëmtimi i një lojtari gjithmonë konsiderohet si një moment i errët, por njerëzit e thjeshtë nuk janë aty të shohin se çfarë ndodh në muajt e gjatë të stërvitjes dhe vuajtje që kalon një futbollist gjatë rikuperimit.
Shembulli perfekt është ai i Neymar, braziliani po vuan sërish një thyerje të kockës së pestë në këmbë dhe ka filluar rikuperimin. Në një video të publikuar shfaqet sulmuesi i PSG-së që ushtrohet fort për të kaluar këtë dëmtim.
Neymar do jetë për 10 javë larg fushe dhe kjo periudhë do të thotë punë intensive me këmbën e tij dhe stërvitje me orar të tejzgjatur në palestër.
Futbollisti më i shtrenjtë në planet ka fatin të ketë një trajner personal në një ndër palestrat më të mira dhe një kujdes i veçantë është vetëm për të. Rimëkëmbja e tij është jetike dhe braziliani po stërvitet mes dhimbjeve, teksa në fund shikon personalisht rezultatet e punës në një skaner enkas për të.