Botërori 2018 i Moto GP është në prag, me etstet e para dimërore që nisin në fund të këtij muaji. Revista financiare “Forbes” ka zbuluar sot pagat e pilotëve të këtij kampionati, ku në krye të renditjes është kampioni i botës në fuqi, spanjolli i Honda, Marc Marquez. Ai fiton 11,5 milionë dollarë, ndjekur nga Valentino Rossi me Yamaha, me 10 milionë.
Ata janë dy pilotët e vetëm që kanë rroga “dy shifrore”, ndërsa i treti është piloti i Ducati, Jorge Lorenzo, që paguhet 8 milionë dollarë, një më shumë se shoku i skuadrës Andrea Dovizioso edhe pse ky i fundit u rendit më mirë se spanjolli sezonin e kaluar.
