Sipas “Sport Mediaset”, Milan ka arritur marrëveshjen me Nice për sulmuesin 21-vjeçar Allan Saint-Maximin, i cili pritet t’i bashkohet kuqezinjve në fundin e këtij sezoni.
Milanezët kanë qenë shumë afër lojtarit në merkaton e janarit, por ndërhyrja e trajnerit Vieira ka bërë që operacioni të dështojë. Kontaktet mes klubeve kanë vazhduar dhe francezët mësohet të kenë pranuar ofertën 20 milionë euro të italianëve.
Për zyrtarizimin e marrëveshjes do të duhet të pritet, sepse, gjithmonë sipas “Sport Mediaset”, operacioni mund të varet nga kualifikimi i skuadrës së Gattuso-s në edicionin e ardhshëm të Champions League.
